Home

1. X'INHU trESS ?
2. KIF TUŻA L-WEBSAJT TA' trESS BIL-LINGWA TIEGĦEK
 

X'INHU trESS ?

In-netwerk trESS huwa maħsub sabiex jorganizza taħriġ u jistabbilixxi netwerks dwar l-Iskemi tas-Sigurtà Soċjali u l-Ko-ordinazzjoni Ewropea fis- 27 Stat Membru. Huwa proġett uniku iffinanzjat mid-DĠ EMPL tal-KE u implimentat mill-Università ta' Ghent b'kollaborazzjoni ma' esperti indipendenti ta' profil għoli dwar is-Sigurtà Soċjali Ewropea fl-Istati Membri kollha.

L-għan huwa li tikber il-bażi ta' l-għarfien dwar ir-regolamenti tal-ko-ordinazzjoni u li jinbnew netwerks b'sa ħħithom bl-għeruq tagħhom f'livell nazzjonali u li jinkludu amministrazzjonijiet pubbliċi u amministrazzjonijiet ta' sigurtà soċjali, l-imsieħba soċjali, organizzazzjonijiet mhux-governattivi, imħallfin, avukati, u esperti indipendenti ikkonfrontati bi problemi ta' implimentazzjoni fis- 27 Stat Membru kollha.

Il-komponent tar-rappurtaġġ huwa ta' importanza ugwali għall-komponent tat-taħriġ: trESS jimmira wkoll li jidentifika u jgħarraf lill-KE dwar problemi ta' applikazzjoni u l-isfidi fil-livell ta' l-operazzjonijiet fl-Istati Membri. Is- 27 espert nazzjonali ser jirriċerkaw u jirrapportaw bir-reqqa fuq is-sitwazzjoni, it-tendenzi u l-perspettivi rigward is-sigurtà soċjali għal ħaddiema migranti (f'livell nazzjonali u tal-komunità)

ATTIVITAJIET EWLENIN

TAĦRIĠ U NETWERKING

Seminars ta' taħriġ li jsiru f'ġurnata waħda f'kull wieħed mis- 27 Stat Membru

Materjali għat-taħriġ (ara aktar ‘l isfel taħt ‘qsim ta' informazzjoni') u database ta' kuntatt tal-professjonisti fil-qasam tal-ko-ordinazzjoni (aċċess restritt).

QSIM TA' INFORMAZZJONI

Il-websajt ta' trESS fiha ħafna tagħrif siewi dwar il-ko-ordinazzjoni u s-sigurtà soċjali fl-Ewropa:

DATABASE DWAR IR-REGOLAMENT 1408/71 – bil-Ingliz

  • Irbit bejn l-artikoli ta' 1408 u l-ġurisprudenza ta' l-ECJ (il-każijiet jistgħu jitniżżlu)

  • Irbit bejn l-artikoli ta' 1408 u d-Deċiżjonijiet tal-Kumm. Amm.

  • Irbit ta' l-artikoli fil-1408 ma' l-artikoli fil-574

LEĠISLAZZJONI

Testi sħaħ ikkonsolidati f'ħafna mil-lingwi nazzjonali

  • Ir-Regolament 1408/71

  • Ir-Regolament 574/72

  • Ir-Regolament 883/2004

  • egolament dwar ċittadini ta' pajjiżi terzi

  • Proposta għar-regolament ta' l-implimentar

ĠURISPRUDENZA NAZZJONALI

  • L-Artikoli ta' 1408/71 u l-ġurisprudenza rilevanti nazzjonali fil-lingwi nazzjonali

BIBLIJOGRAFIJI NAZZJONALI – f'lingwi nazzjonali

SEZZJONI GĦALL-AĦBARIJIET U E-NEWSLETTER –bil-Ingliz

E-Tagħlim – bl-Ingliz (ser ikompli jiġi żviluppat matul l-2007) .

Din is-sezzjoni tispjegalek kif jaħdmu l-prinċipji tar-Regolament permezz ta' sistema ta' mistoqsijiet u tweġibiet u definizzjonijiet ta' kliem prinċipali.

PREŻENTAZZJONIJIET bil-PPT - li jsiru waqt is-Seminars Nazzjonali – bl-Ingliz u/jew bil-lingwi nazzjonali

RAPPORT EWROPEW – bl-Ingliz

RAPPURTAĠĠ

Rapporti ta' kull sena mmirati biex jittrasferixxu l-għarfien mil-livell ta' l-operazzjonijiet għall-Kummissjoni Ewropea. Ir-rapporti jinkludu tagħrif dwar:
- problemi u kwistjonijiet relatati ma' l-applikazzjoni tar-regolamenti tal-KE fis- 27 Stat Membru (Dan it-tagħrif huwa bbażat primarjament fuq il-kwistjonijiet imqajma mill-gruppi fil-mira waqt is-seminars nazzjonali).
- sitwazzjoni, tendenzi u perspettivi rigward is-sigurtà soċjali għal ħaddiema migranti f'livell nazzjonali u tal-komunità (Għal dan it-tagħrif, l-esperti nazzjonali jikkonsultaw diversi sorsi rilevanti).

Kull sena, trESS jippubblika rapport Ewropew dwar il-kwistjonijiet u l-problemi maġġuri ta' l-implimentazzjoni u l-applikazzjoni tar-Regolamenti ta' l-UE.